唔明點解自己仲會唔累唔係第一個星期係咁,明明今日返左成日工…
13.00-21.30返左咁內,忙足咁內(咁都好時間快過d呀嗎)…好憎自己琴日做錯野.係自己衰唔夠強硬,被個死鬼婆屈..頂!我要惡過所有衰人老外……唉!搞到全日都無物心機..
返到屋企食完飯,洗埋碗..休息一陣..
11點幾開始向我存放鐘、相機、水樽、書、鐵皮罐、汽水罐、木製玩具、扭蛋.(尚有一些物品已經無得擺出尼,木模型及House of Cards都被迫收起)…掃塵,仲件掃都幾係野,隨著時間增長,儲埋儲埋可以話係一堆垃圾….oh…每次打掃都幾頭痛起碼要半個鐘頭以上….整完都差唔多十二點…之後仲拆左兩個風扇吸塵,再順便吸埋屋企地下d塵,抺埋地…又開洗衣機,洗埋衫,掛衫,摺衫….再手洗埋件T-Shirt及袋….最後先至沖涼,刷牙…..完成所有以上種種事以經是凌晨3點半….
家下上網寫埋blog,已經凌晨5時了…….
難道我體內含有大量無睡意細胞,勁過幸福傷風素??oh no!!
最近唔知仲物…無論日光日白,夜媽媽..都見到驚嚇野!!講o既唔係鬼怪…係家下真係什麼人都有呀…..未到萬聖節唔好嚇我啦!!
今個星期二(25/10)夜晚,大約11點幾返屋企,本人家住唐樓須要行樓梯,習慣性一路聽MP3音樂,一路步行返家,由於我太專注行樓梯,突然見到牆角位有黑色物體,於是我抬頭一看想看淸楚是什麼,原來係有一對情侣擁抱及KISS中,我沒有細看清楚佢地容貌,繼續步行返家…真不知是人還是???……..不過應該是人吧!!
琴日下晝同Sammy坐紅色小巴,坐前排有一個男人近窗口位置,係同我地差唔多時間上車,後來有一個身型略胖女人上車,坐係e個男人隔離,當時個男人望一望佢,好似嚴人地”牙咋”阻住佢咁。到達目的地後,個男人同我地同一個站落車,我地企係後面等比錢落車,佢要企起身必須經過個女人坐既位置先至落到車,此時我地見到個女人用右手按著個男人個pat pat
,順著佢走既方有三下之多!!!!個男人就同個女人講左幾句(我地聽唔到係咩….),但個女人無停止佢既行為….另我為之側目…首次見到女非禮男(仲要咁多人係車,日光日白…唉也!!!)….好可怕!!!
Sammy話應該係個女人怕個男人整到佢,所以做出咁既行為。我覺得若果佢怕人整到佢,一係起身讓比個男人落車先囉..無理由用手按住人地個pat呀…真恐怖!!!
9月20號凌晨12點場係皇室Palace戲院,陪Antina睇那個日本師奶瘋狂愛上”勇樣”(裴勇俊),同埋孫藝珍一齊拍既韓國片–”外出”,一出無物對白既片(好彩唔使自己比錢),只係記得張好掛住張可以調校腳位及背脊櫈，好舒服又寛敞,個場又坐位唔多,唔使同人迫…正呀！果次出奇地發現有一對年紀好大夫婦去睇,唔知點解硬係覺得佢地唔係夫婦,係情人或者係情夫或情婦….
..可能同套戲有關咁既題材掛…哈哈
今晚又係睇12點場,唔係皇室Palace,今次係睇林嘉欣同舒淇主演,鄭保端導演”怪物”,恐怖就其實唔係…只係起初睇唔慣林嘉欣個恐怖粧,之後就習慣左唔驚…諗返其實只會覺得,林嘉欣係戲度扮演主角閰紅好慘！最觸動我既係有一場戲講林嘉欣(閰紅)捉左舒淇(May)個仔(子路),May發放假消息話林嘉欣個仔係佢度,迫閰紅搵May攞佢自己個仔,正當May險被閰紅殺死之際,子路突然大哭出現,走過去話:”你去左邊呀?”,但子路搵既唔係自己親生媽媽May,而是閰紅.May傷心欲絕…果一刻我都幾愕然…同埋好大同感.被至愛親人傷害,真的可以傷至體無完膚…
套戲都幾好,ok既!最緊要搵到人陪我睇,或者我陪人睇{平日午夜場}(->自己睇戲都唔係問題,最重要”平日凌晨12點場”邊個會有咁多人睬我呀!.唉)..幾好呀..唔錯呀!又唔使自己比$,仲有順風車坐返屋企….開始鐘意睇平日午夜場…哈哈!!!
今個星期二下晏係屋企咁啱開著電視”放學ICU”,聽到一首似曾相識既兒歌叫”歡樂兒童”。印象中好似係我,”遠古既”小時候聽過….比老媽子、Katie及Gigi聽過e首歌！Katie表示佢小時候曾經唱過，老媽子則表示那首歌很舊，Gigi話佢好內以前係幼稚園畢業禮會播，仲要係用錄音帶，家下唔會用啦，太老土喎。
起初另人懷念遠古既兒歌金曲呢…
聽左大約兩分鐘之後,就會好”濟”,開始覺得煩厭..
再者會有想反胃既感覺….
嚴重者會想打爆部機!!!!!!!!!!
歡樂兒童
作曲及作詞︰韋然 唱：小小合唱團
*雲兒下看吧
世界上滿兒童
兒童活潑聰明
雲兒下看吧
世界像個球兒
兒童在微微笑
兒童是快樂和互愛
兒童是友善和氣
兒童是美麗
個個臉紅霞
兒童像鮮花的笑*
*重覆全首,唔知幾多次!!!…..救命…
(p.s.感覺有d似睇緊無線逢星期日晚汪明荃主持既”名曲滿天星”…….!!仲有呀,今日要順祝Sammy生日快樂哦!!)
今朝執野攞卡西歐(Casio)數碼相機時,諗著一手攞埋電話鎖匙。
點知不幸的事就發生了!!手上攞得太多野,卡西歐咁就直撞地下,相機角位凹陷了!!
功能應該無損…我只係CHECK左開關…我對佢又愛又恨(d相黒到爆!!發瘟.)..嗚…!!若果可以換部Ricoh GR1數碼相機或GR1v,唔識都想借人部機玩兩手…….最近都灰灰地影唔到相,又無mood….雖然陽光普照,但空氣污染嚴重….好天氣既你走了嗎?!!嗚…………….!1
->攝於2004年12月3日
->攝於2003年12月
全部都係卡西歐影架.無較過D顏色…我部電腦個MON仲要係10幾年前,14寸MON..跟本我唔識睇及睇唔到D顏色有無問!只係知影出尼D相好黑!
今日學生證終於到手!Yeah!!買飛可以平d!我同Erica就去左尖沙咀太空館何鴻燊天象廳,買飛睇天幕電影。由於我地去到果度已經4點鐘,剛好錯過左3點50分果場，唯有選擇下一場5點播影”非洲屋脊”。仲有成個鐘先至夠鐘,於是我地走左去今日免費入場太空館睇下。
香港太空館有成25年歷史,差唔多全部設施十年如一日無變過。除左無左一兩個設施,多左件楊利偉太空訓練衣及一個準備中既中國航空展覽室。
太空館裏面有一個玩衛星控制,部機當你按鍵果陣個制一齊下陷及走位,連同隔離個手制都會郁，個手制應該可以上下左右移動,但係壞左只係可以上下移動。另外我地見到有人玩機械臂夾石仔,果個人唔小心落錯位,砰一聲左到模型邊時超大聲,再者用機械臂夾石仔時,個夾好恐怖,超大力及o依o依聲。仲有個太空任務遊戲,個燈箱好大個字顯示”任務失敗mission fail”,搞到人地好唔好意思,真係幾瘀架..仲有一個太空控制室,個兩個坐位我相信25年無人抺過及坐過。
經典之最就係,一個叫圓形既生態球既物品,裏面有一個唔記得係咪枯枝,好幾條細小蝦蟆及水。個生態球左下角有張標貼列出封密於1991年7月,(咁即係個球有成14年無開過封,好恐怖!!! o_o*),裏面D水我地見到有d濁,有野浮係面,及個球好明顯有層次分解線,相信係揮發左水,水平線位有污染物貼造成..但係最明點解d好似蝦蟆既生物可以生存度…諗返起都覺噁心。
我地4點入去,4點20分就出返尼！裏面界紹果d野,簡直係25年前高科技展覽館,25年後出土文物低科技之最,令人感到驚訝及懷念。好在我地唔係比錢入去,最尾發現唯一高科技,係阻擋任何手提電話服務。(或者可以講,跟本無物人會去,裝手提電話發射器,都嚴嘥氣)
5點鐘終於去睇天幕電影。天象館坐位太舒服及套戲幾悶既關係,我一開始己經o訓著,坐係我隔離Erica,就拍醒左我。但佢又受我影響下,佢都半o訓半睇！我地一散場就係咁講自己訓左,跟著有個男人聽到我地對話,就暗笑我地。建議：睇邊套天幕電影都無所謂,最緊要簡後座睇,睇得無咁辛苦哦！好睇咪睇囉,唔睇訓都抵,記得帶埋張毯入去喎!
琴日用左信用咭係cityline網頁,買UA戲院飛有九折同埋用積分免手續費($41蚊),終於睇完都係覺得唔抵睇既戲,電車男…(若果用麥提莎吉包,去UA院線買飛平$30蚊,仲抵)
其實我只係想睇山田孝之,點樣扮咁神經質既毒男,想白痴地笑餐飽,多過想睇裏面愛情童話式故事(諗起都覺得悶..)發展情節…相反睇完發現另一個搞笑係個三人組,都幾爆笑…………若果用$30睇會抵返個數多D…唯有安慰自己算係平左,山田孝之演出電車男算係幾好..
(0)