2005年11月25日
畢業了…終於都有出席畢業禮 完成了我四年前所定立目標….若果能順利完成學位的話,我沒什麼信心.
果種感覺好似一生人一次咁…算係人生大事吧..我沒有帶相機,等人send返比我算了..
開始覺得個人好迷失,沒有目標了…最怕別人別問我將來會出來做什麼?亦覺某些人定立將來要有一定數目薪金,想起也覺可怕..(實質只有6個月之後事情),我真的不想去想,請給我好好享受餘下的校園生活吧.
P.S.希望最近遇到麻煩事的人,盡快能渡過難關..發事者請收歛的自己的言行.
(0)最近發現身邊朋友都遇到幾多不快事件…我只能講一句同你地講:「對唔住！我幫你唔到!」我唔識安慰人..唔識幫你地諗解決方法..自問有d你地遇到既問題,我無經驗,我唔明白你地既立場…有既只有聆聽及耐性,用我有限能力扶你一把,發表愚見…歡迎你地煩悶吐苦..希望你地盡快解決問題吧!
2005年11月18日
太古城、繽繽天地(皇后像廣場)、時代廣場、海港城、將軍澳廣場….超期待佢地既聖誕節裝飾..一見到有裝飾工人忙於準備聖誕裝,就會好興奮!!通通都想影低,癲起上尼會一日去曬咁多個商場,咁既行為無人會理我.哈哈!
….真係唔鐘意影人及燈飾..只想影景人地個設計及主題。可以話好商業化,但係我覺得有d真係整得好靚…開始想買個holga機用slide既菲林影相呀!
唔知今年聖誕會唔會好凍呢..好懷念帶著毛冷頸巾及毛冷外套既感覺!!
*->2年前聖誕太古城裝飾..無記錯係以雪姑七友、國王的新衣…格林童話為主題.掛左係樹枝係小矮人既鞋….其實仲有其他相,但好多都唔知save左去邊lou…
2005年11月09日
喂!你開左個xanga blog呀.吓!佢又用呀?
oh…我無喎..我想應喎..點回應呀?
我唔想開兩個account喎?
我考慮過開個xanga只為回應下朋友個網頁,但唔會點物寫個xanga網頁囉!!唉也..但我唔係想同人地宣傳,而係身邊朋友人好多都用囉,又要係會員先可以比你回應…..唔似e度唔一定係會員,其他人都可以留名回應,留言、留自己個網頁及e-mail.無限制你一定要留e-mail及網頁囉…最重要唔一定係會員囉.
我想回應下朋友個網頁咋..(証明我係一個多事八卦及多嘴既人..我係麻煩囉嗦鬼!)數手指,講開..其他人都有用xanga..情況有如:icq,msn account咁濟…..唉!
莫非我要向xanga低頭…做佢會員??
最近有兩單險殺同學事件,不幸地兩件事中招者都係同一個人Katie姐.
萬聖節果日用左一隻洗得唔乾淨超濃檸檬洗潔精既杯,倒左杯可樂(唔係應該叫「超濃檸樂特飲」)比Katie…她一大口飲左一落肚,後吐出….佢變左永遠最清楚我屋企用咩”味”既洗潔精既人,因為真正佢品嚐過…..
(十萬個對不起..哦!!)
上星期日6/11號,果日返完工同Katie去行街,入到一間舖頭去睇長boot,我一拎上手唔知隻boot個高跟底咁鬼重…,成個boot底一百八十度咁反左去,企係我右手邊既Katie,當時差1寸半倒就會一個boot底撞到佢塊面度….我險些又再做多一次兇手(教我汗顏)…唔通黑到佢….
Katie上次有冇問大師,你身邊有冇邪到你既人呀??…哈哈,個果可能我有份…你都係離開我十尺好d啦!!!
2005年11月06日
為Braun著迷,簡直深深吸引,尤其係由Dieter Rams所設計-TP1..同埋Hans Gugelot一齊設計—>Braun SK5。極速迷戀Dieter,中曬毒咁!
TP1係1969年,同時有收音機及唱盤，仲可以帶出街聽…隻黑膠唔知會唔會起飛出尼..哈…..唔知Ebay有無呢…價位要搵下先….
*->Braun TP1,Design by Dieter Rams(1969)
仲有係SK5,1956年出產,都係收音機同唱盤音響組合..以前Simpson係上環moderlink舖做果陣都好似見過e部機….當時我完全無興趣,隔咁內至問Simpson,佢太忙..唉.唔知phonosuper同SK5有無分別呢?有冇人答到我呀?價位有係幾多呀?
*->Braun SK5,Design by Dieter Rams & Hans Gugelot(1956)
有興趣睇有關設計師,請click->Dieter Rams
| 1 | 2