行程繼續..土耳其棉花堡(Pamukkale)，初初聽個名以為係棉花做既城堡，完全無睇過任何文章或圖片，其實係一座被白色岩灰(類似係人既牙齒珐瑯質既物質)覆蓋全個山頭，裏面有天然泉水，可以被人去浸天然泉水。同埋果度係唔可以著鞋一定要赤腳入去，好多人都有帶定拖鞋/涼鞋，方便上岸穿著或更。但係最好係帶定膠袋裝鞋入背包，或者係帶個扣起對鞋係個背包度囉。攞著對鞋好麻煩，又要攞相機。因為果度係斜坡，某d位有水流沙石，都要幾小心行。
->山頭其中一角.
->我隻右腳無左呀!!…埋沒左係棉花温泉度呀!!
去到果度，男仕們應該非常開心，美女及索女如雲..因為好多樣靚身材正兼穿比堅尼泳衣歐洲女子係果度浸泉水…睇完簡直自卑到爆燈+十級羡慕眼光
->不幸被我偷拍成佈景的美女…呵呵!!
->腳踏”棉花”，水在流。
琴晚發左個怪夢，見到一張好低能怪氣附體o既tam tam stool。橩中間可以拆開部份，加多左個鹿頭公仔頸位，及改配一個可調高低坐位。除此之外，櫈腳加左個長頸鹿公仔樣頭碌，仲要有三個之多。原價$780舊版(奇怪地記得個價)，後來比我發現有間二手傢俬舖，有一張因坐位嚴重破裂(印象中，好似係原版可以貼公仔紙上去)怪氣tam tam，只賣$230。超抵…仲要買埋添。嘩..諗起都覺得似嬰兒學行車多過似櫈，樣衰度逹十級，慘不忍暏啦。
今日超累，不停聽外國人講師講英文。仲要準備聽日個case studies同自我介紹。篇文章有長有唔知講物，係學校睇左一次都唔係好明呀！唉..累呀
今日第一日返學，好鬼大雨呀!心情大好呀！除左好鬼老土講句見返d舊同學仔之外，亦因你無形行動一段時間，我可以証實你找對及找到了，認清那一個重要，好想大聲呼叫︰「你好幸福呀，請珍而重之!」我也會為你們祝福呢…有人說︰「放開雙手，你會得到更多，會比得到更快樂！」是次我深深領悟及體會那一點，很高興又能上到這一課。謝謝！！
9月頭買了Craig David-The Story Goes及The Tears-Here Come The Tears…諗著去旅行時聽..一聽Craig David就即刻迷上，其實之前我都有聽過佢對上一張大碟，但我無買到CD。我果時已經幾鐘意。家下幾乎每日都必須全碟聽一次，先至安樂。我開始有少少(->真係少少多多都無..哈哈..)明白lamsum(->ar yip都係古怪架,唔可以講漏佢…哈哈..)點解每日聽至少兩小時音樂，咪就係中曬毒咋嗎…??
*->Craig David對上一張大碟-Slicker than your average(唔知我有冇記錯呢?!)
*->9月2日遊玩灣仔三六九及藍屋
108天既悠長假期結束，一陣就又要返學啦！假期最開心o既，好啦!講返今個月頭去既土耳其旅行先..
土耳其出名地毯、陶瓷、軟糖、皮革等等..我自己首選係羊仔毛地毯真係好軟熟架，不過價錢當然好貴啦。一張好似掛畫細細張o既全絲質地毯，要成US$588(約港幣$4586)。
*->抽蠶絲
*->全人手織絲質地毯，價值US$588!當然無買啦，唯有影相留念。
土耳其軟糖多數用椰子、榛子、無花果、果仁等等去造，味道偏甜。由於本人老豆非常喜愛甜食，正常人係一粒起兩粒止，他可以四五粒下肚，面不改容。買返尼既戰利品佔最多就係糖糖糖….
*->戰利品!!右手邊前排(藍色圓形物)當地出名的魔鬼之眼，係保平安及辟邪o既!
唉…自從那天起人也變得迷迷糊糊，想了又想起很多問題，完全沒有胃口４天了。琴晚終於同Katie去左間出名抵食及大件o既長形寿司，係新蒲崗越秀廣場大盛日本料理。果間野其實之前都有去過，食物真係幾好味同抵食，但係服務態度同埋有訂檯等於無，真係幾和味！今次仲差叫左3次都埋唔到張單，若果佢地忙緊或有咩問題發生左，都可以願諒佢。但係班待應係係度玩緊同埋傾計，唔去埋單。真離譜!!!!學Katie話齋:「家下我比錢你，仲要我求你咩!!!!」當時火到爆o既Katie(
指數應該係中等至偏高…..好驚o既我!!!)忍唔住話佢地兩句(當中她不自覺地..夾雜xyz)..待應都好似習以為常咁講左句「唔好意思」..
我無意間發現有以下e個網頁，都係講e間野都係有食客講服務態度好有問題。->http://www.openrice.com/big5/sr2.htm?shopid=10023
之後，我同Katie食完大盛就去左九龍城食潮州合成糖水。今次係第二次去啦!今次叫左一碗蓮子雪耳清心丸($20)，超口味道既蓮子一d都唔苦，又軟淋淋又甜，清心丸係我至愛，煙煙靭靭。雖然果度食野唔係屬於平，但係真係抵比佢賺o既!
以下網站一樣係開飯啦網頁有提及，有人評論好同唔好(但人地唔滿意o既清況無大盛日本料理咁嚴重囉!)->http://www.openrice.com/big5/sr2.htm?shopid=402
這條選擇題明明只得一個.A.有或B.沒有
清楚表示了兩次答案同樣是 “B.沒有”,為什麼會走多個叫”C.可能…”。這是絕不能在問題上出現的，是叛離份子。
已經確定習慣這個答案，不再有任何懷疑一段長時間，為什麼好像有所變數?推返之前那個答案。
前兩天就像拿隻刀子，間接傷害一位沒有防範的人。險些一再傷害這位受害人，幸好懸崖勒馬沒有重覆再錯。討厭及憎恨那自私的一面。那刻面對著責備與罪名。
就算是C，相信往後也不會有任何好結果。換來餘下完全失敗、失意、失望。因為那個答案包括太多想像及假像，將來事實會清楚道出很多殘酷給人們知道。
是不是太享受這樣模式?不太清楚、不須負責任、不必交代，那可知這種行為傷及當中的無辜者嗎?請謹慎想清楚路向，交代清楚!!
迷路及走錯路，誰不曾試過呢?只要知道錯在那裏，改過不再犯，便可以了。錯誤不是一件醜事，反之令人成長，也可能悟出一些道理。
多謝各位長輩同我Ｅ個後輩，慶祝我正日生日（１５／９－＞其實係順便做節食飯，不過都好感激），有Gigi,Ringo,敫伯母,敫世伯,Ringo妹妹同埋媽咪..都好內無試過咁多屋企人一齊渡過我既正日生日囉…真係好warm……..
亦都好多謝Katie,Carman,阿瑩佢地既電話祝賀! Nicole及家豪既SMS留言..
今日(16/9)謝謝Katie陪我食飯，好過同S君講佢當聽唔到…算了..
(0)